Hver er Sólveig?

Ég heiti Sólveig María Svavarsdóttir

- Ég er með b.ed gráðu í grunnskólakennarafræðum frá KHÍ

- Er með hóptímakennararéttindi frá Fusion fitness academy

- Hef sótt mörg námskeið um núvitund og heilsutengd málefni

- Er fyrrverandi varaformaður Hæglætissamtaka Íslands

- Ég á fjögur börn og hef heimakennt tveimur barna minna síðastliðin ár

- Ég hef mikla ástríðu fyrir öllu sem viðkemur uppeldi og kennslu barna

- Ég held úti Instagram síðunni @homeschooling.in.iceland

Lífið er einstakt en það getur líka verið krefjandi. Við þurfum að standast kröfur úr öllum áttum og halda mörgum boltum á lofti. Við lendum í áföllum og hlutirnar fara ekki alltaf eins og við viljum. Stundum getum við ekki meira.

Fyrir nokkrum árum skall ég harkalega niður á jörðina og þurfti að vinna mig upp aftur. Það tók tíma og vinnan stendur enn yfir en ferlið hefur verið mjög lærdómsríkt. Ég breytti áherslum og breyttist um leið sjálf.

Nú langar mig að hjálpa öðrum sem glíma við streitu, þreytu, verki og skert lífsgæði. Miðla þeim leiðum og aðferðum sem hafa hjálpað mér. Það er engin skyndilausn í boði heldur snýst þetta um að breyta hlutum í lífi sínu til frambúðar. Ná betri stjórn á eigin lífi og taka eitt skref í einu í meðvitund.

Ég skrifa reglulega pistla hér inni. Einnig býð ég upp á námskeið, fyrirlestra og seinna er á dagskrá að bjóða upp á heilsuferðir.

Mundu að þú átt bara þennan dag. Reyndu því að njóta en ekki þjóta!