​Námskeið  

​Námskeið fyrir konur sem vilja hreyfa sig á meðvitaðan hátt og líða betur í eigin líkama. 

​

Þetta námskeið hentar sérstaklega vel konum sem glíma við streitu, þreytu, vefjagigt, orkuleysi, króníska verki, einkenni breytingarskeiðs, kulnun og/eða önnur heilsutengd vandmál. Að sjálfsögðu hentar það líka konum sem ekki glíma við neitt af ofangreindu en vilja æfa í rólegu rými í litlum hópi. 

 

Hver tími er 75 mínútur og samanstendur hann af rólegri en markvissri hreyfingu með áherslu á styrk, teygjur og liðkun. Í lok hvers tíma er 15-20 mínúta leidd slökun. 

 

Sólveig hefur sjálf glímt streitu og heilsubrest og hefur sett þetta námskeið saman úr því sem hefur reynst henni vel í átt að bættari lífsgæðum. 

 

Hver og ein vinnur á sínum hraða og mikilvægt er að hlusta alltaf á líkamann. Það að öðlast aukin styrk og teygja og liðka líkamann vinnur gegn verkjum og stirðleika. Það er ekkert um hopp eða mikla ákefð.

​

Ef þú vilt koma hreyfingu betur inn í daglegt líf, styrkja þig líkamlega og andlega, lifa í meiri meðvitund og almennt bæta heilsu þína þá gæti þetta námskeið einmitt verið fyrir þig. 

​

Næsta námskeið hefst 3. september og stendur yfir í fjórar vikur.  Það er kennt í sal Art of Yoga, Skipholti 35. 

Tímarnir eru á þriðjudögum og fimmtudögum klukkan 19:45-21:00

​

Verð 14.900

​

​

​

 

​

​

​

​

Fyrirlestur um hægara uppeldi. 

​

Í daglegu lífi mæðir mikið á foreldrum og börnum. Verkefnin eru mörg og dagar og mánuðir líða hratt. 

​

En það er mikilvægt að muna að hver stund í uppeldi barna okkar skiptir miklu máli. Það er mikilvægt að gæta að jafnvægi á milli hraða og rólegheita í daglegu lífi. 

 

- Er dagskráin hjá okkur þétt alla daga eða gerum við ráð fyrir rólegum tíma fyrir okkur og börnin okkar? 

- Erum við að staldra við og grípa verðmætu augnablik hversdagsins? 

- Erum við til staðar og á staðnum með börnum okkar þegar við erum með þeim?

- Þarf alltaf að vera fjör og húllum hæ?

 

Þessi fyrirlestur tekur um 1,5 tíma og hentar vel sem fyrirlestur á vegum foreldrafélaga  í leik- og grunnskólum sem og á foreldramorgnum eða í hvers konar foreldrahópum. 

​

​

Fyrirlestur um fjölbreyttar kennsluaðferðir og þunnu línuna milli náms og lífsins sjálfs.

​

- Á nám sér eingöngu stað innan veggja skólans eða er nám út um allt? 

- Hvað er nám og lýkur námi einhvern tímann? 

- Hvernig tengjum við nám betur við daglegt líf barna? 

- Hvaða máli skiptir andleg líðan barna þegar kemur að námi? 

- Hvers vegna skiptir máli að nám sé fjölbreytt?

​

Sólveig er grunnskólakennari og hefur undanfarin ár heimakennt tveimur barna sinna. Hún aðhyllist lifandi kennsluaðferðir og lítur svo á að nám

sé afar fjölbreytt ferli. Að hennar mati er nám sem snýr að líðan og sjálfsmynd barna ekki síður mikilvægt en akademískt nám. Nám er út um allt og lífið sjálft er mikið nám. 

 

Þessi fyrirlestur tekur um 1,5 klst hentar sérstaklega vel fyrir starfsmenn leik- og grunnskóla sem og annarra uppeldisstofnana. 

 

​